მამბერი - Mamber Fighting championship

"კრიობა" ძველად თბილისსა და საქართველოს დიდ ქალაქებში ფართოდ გავრცელებული და მოსახლეობისთვის ერთ-ერთი საყვარელი თავშესაქცევი იყო. რომელშიც მონაწილეობას იღებდნენ, როგორც რიგითი მოქალაქეები ისე თავად-აზნაურები. განსაკუთრებით გამორჩეული მოკრივეები იყვნენ თბილისელი "ყარაჩოხელები". ქართველებში საბრძოლო სულისკვეთების და ბრძოლისუნარიანობის შესამცირებლად რუსეთის იმპერიამ აკრძალა თბილისში კრიობის ბრძოლების გამართვა, მოტივი კი გახლდათ, ვითომ "მოსახლეობის ჯანმრთელობაზე ზრუნვა".
საქართველოს დამოუკიდებლობის მოპოვების შემდეგ მკვლევართა ჯგუფმა კახაბერ ზარნაძის თაოსნობით გამოიკვლია და აღადგინა ქართული საბრძოლო ხელოვნების სხვადასხვა მივიწყებული სახეობები. მათ შორის ერთ-ერთი გამორჩეულია "კრიობა".
კრიობის საშეჯიბრო წესების შემუშავება მოხდა 2020-2021 წლებში საქართველოს სპორტის ტრადიციული სახეობების და თამაშების ასოციაციის მიერ.  ძველი წესების თანამედროვე სტანდარტებთან შეხამებით საკმაოდ საინტერესო საბრძოლო ტრადიცია აღდგა.