Lubbi finnur málbein

Lubbi finnur málbein - Lubbavísurnar 
 
Lubbavísurnar er að finna í bókinni Lubbi finnur málbein. Höfundar bókarinnar eru Eyrún Ísfold Gísladóttir og Þóra Másdóttir, talmeinafræðingar. Þórarinn Eldjárn orti vísurnar. Börn úr Skólakór Kársness syngja og sýna táknrænar hreyfingar fyrir hvert máhljóð. Nánar um höfunda og flytjendur í Lubbi finnur málbein - Credits. 
Hljóðanám Lubba byggir á sjón-, heyrnar- og snerti-/hreyfiskyni sem líkja má við að börnin nemi málhljóðin í 3-vídd. Þannig verða hljóðin sýnileg og nánast áþreifanleg. Áhersla er lögð á tengingu málhljóða og bókstafa og þannig lagður grunnur að lestrarnámi. 
Efnið er hugsað til málörvunar og hljóðanáms fyrir börn frá tveggja til sjö ára, en nýtist einnig eldri börnum sem eru að læra íslensku sem annað mál, börnum með frávik í framburði og börnum sem þurfa stuðning í lestri og ritun. Efnið gagnast vel til snemmtækrar íhlutunar og aldrei of snemmt að byrja. Mælt er með því að hafa Lubbabókina við höndina þegar horft er.