Louw van den Heever

Na meer as 10 jaar in die musiek industrie het Louw van den Heever geen bekendstelling nodig nie. Sy debuut album "Onthou jy nog?" het aanhangers se voete behoorlik laat jeuk, en na verskeie enkelsnitte op radio was die skrif teen die muur... 'n Ster uit die Noord Kaap was gebore... Louw het die afgelope jare plaaslik en internasionaal opgetree, skouers geskuur met die room van SA musiek en dit was alles net die begin... Sy nuwe album word opgeneem deur bekende vervaardiger, Johan Rautenbach (Bok van Blerk, Lianie May, Eden, Bobby van Jaarsveld) en beloof om weer groot hoogtes te bereik, soos julle kan hoor met die treffer enkelsnit, "Stuur Groete" Die lied gepen deur John Masser vertel die storie van Suid Afrikaanse “expats” wat verlang na hulle geboorte land. 'n Land van asemrowende sonsondergange, groen vlaktes, vriende, braaivleis, bier en lekker kuier... Kom geniet die reis saam met Louw en beleef die nostalgie van 'n eg Afrikaanse sanger wat jou taal praat "Onthou jy nog"?