Lok Bulara (ਲੋਕ ਬੁਲਾਰਾ)

ਪੱਤਰਕਾਰੀ ਤੇ ਜਲੇਬੀਆਂ ਦੀ ਦੁਕਾਨ ਵਿੱਚ ਹੁਣ ਕੋਈ ਬਹੁਤਾ ਫਰਕ ਨਹੀਂ ਰਿਹਾ ਜਿਵੇਂ ਹਲਵਾਈ ਜਲੇਬੀਆਂ ਪਕਾਉਂਦਾ ਇਸੇ ਤਰ੍ਹਾਂ ਖਬਰਾਂ ਪੱਕ ਰਹੀਆਂ ਨੇ ਮੇਲੇ ਚ ਰੌਲੇ ਵਾਂਗ ਅਖਬਾਰਾਂ ਟੀ ਵੀ ਚੈਨਲਾਂ ਦੇ ਦਫਤਰ ਪੱਤਰਕਾਰੀ ਦੀ ਸਬਜ਼ੀ ਮੰਡੀ ਬਣ ਗਏ ਨੇ ਅਜਿਹੇ ਸਮਿਆਂ ਵਿੱਚ ਕੋਸ਼ਿਸ਼ ਕਰਾਂਗੇ ਕਿ ਲੋਕ ਹੱਕਾਂ ਦੀ ਕੋਈ ਪੂਣੀ ਕੱਤ ਲਈਏ ਅਦਾਰਾ ਲੋਕ ਬੁਲਾਰਾ ਲੋਕਾਂ ਦੀ ਬਾਤ ਪਾਵੇਗਾ ਜੇ ਲੋਕਾਂ ਨੇ ਪਾਉਣ ਦਿੱਤੀ |
ਅੱਜ ਦੀ ਪੰਜਾਬੀ ਪੱਤਰਕਾਰੀ ਨੇ ਵੀ ਲੋਕ ਚਾਟ ਤੇ ਲਾ ਲਏ ਨੇ ਤੇ ਉਹਨਾਂ ਨੂੰ ਚਟਖਾਰਿਆਂ ਵਾਲੀਆਂ ਗੱਲਾਂ ‌‌ਜ਼ਆਦਾ ਸਵਾਦ ਦਿੰਦੀਆਂ ਨੇ ਪਰ ਫੇਰ ਵੀ ਬਥੇਰੇ ਅਜਿਹੇ ਬੰਦੇ ਅਜੇ ਬੈਠੇ ਨੇ ਜਿਹੜੇ  ਨਗਾਰਖਾਨੇ ਚ ਤੂਤੀ ਦੀ ਆਵਾਜ਼ ਸੁਣਦੇ ਨੇ ਅਜਿਹੇ ਸੱਜਣਾਂ ਦੀ ਆਵਾਜ਼ ਹੀ ਸਾਡੀ ਪਰਵਾਜ਼ ਹੈ ਅਸੀਂ ਉਹਨਾਂ ਦੇ ਸਿਰ ਤੇ ਹੀ ਉਡਾਰੀ ਲਾਉਣ ਦੀ ਕੋਸ਼ਿਸ਼ ਕਰਾਂਗੇ |