Əlixan Musayev

Bu kanal Mədinə İslam Universitetinin məzunu və Quranı mənaca tərcümə edən Əlixan Musayevə məxsusdur.

Həyatı və fəaliyyəti

Əlixan Musayev 16 fevral 1973-cü ildə Bakıda ziyalı ailəsində anadan olub. Azərbaycan 1991-ci ildə müstəqillik qazandıqdan sonra İslam dinini öyrənməyə başlayıb və 1992-ci ilin əvvəllərində Özbəkistana səfər edərək orada bir illik "Məbdəl-Qiraə" ərəb dili kursunu cəmi iki ay ərzində tamamlayıb. 1994-cü ildə Mədinə İslam Universitetinə daxil olub və orada altı il təhsil alıb. 2000-ci ildə universiteti bitirib vətənə qayıtdıqdan sonra İslam mövzusunda kitablar yazmaq, habelə, dini kitabları ərəb dilindən ana dilinə tərcümə etməklə məşğul olub və bu sahədə fəaliyyətini davam etdirir. Kitabları rus, ingilis, türk və ərəb dillərinə tərcümə edilib.