Kyan @ ကြန်

စာလုံးပေါင်းအရတော့ ကြန်အင်လက္ခဏာ (Form) ကို ကိုယ်စားပြုပါမယ်။
အသံထွက်အရ ကြံ (Thought) တယ်ပေါ့။ 

အသံတူ စာလုံးပေါင်းကွဲ၊ အနက်ကွဲ “တွင်‘ကျန်'"
“နောက်ကျ‘ကျန်'" နေတာကိုလည်း 
ကြံကြံဖန်ဖန် တွေးမိစေနိုင်တယ်လေ။

ကြံသကာ၊ ကြံစား၊ ကြံရည်သောက် အချိုတည်း 
ပေါ့ပေါ့ပါးပါး ပျော်ပျော်ရွှင်‌ရွှင်ပေါ့။

စကားလုံးတစ်လုံးမှာ အဓိပ္ပာယ်အမျိုးမျိုး ရှိနိုင်တယ်။ အချိန်
အခါ၊ အခြေအနေ၊ အကြောင်းအရာအမျိုးမျိုးကိုလိုက်ပြီး အနက်
ကောက်ယူပုံတွေက ထွေပြားသွားမှာဆိုတော့ ဘယ်တစ်ခုက 
အမှန်၊ ဘယ်ဟာကအမှားဆိုပြီး ယတိပြတ် ပြောလိုက်ဖို့ သတ်
မှတ်လိုက်ဖို့က ခက်ပါတယ်။ တစ်ခုခုကို အသေဆုပ်ကိုင် သတ်
မှတ်လိုက်ပြီဆိုရင်လည်း နောက်ထပ် သတ်မှတ်ဖွင့်ဆိုချက်ကို
တောင်းဆိုလာပြန်ရော။ ဒါကြောင့်လည်း စကားလုံးတွေမှာ
တောင်ပံပါတယ်လို့ ဆိုကြတာပါ။ စကားလုံးတစ်လုံးမှာတောင်
ဒီလိုမျိုးဆိုရင် ဖြစ်ရပ်တွေ၊ ခံယူချက်တွေ၊ ယုံကြည်ချက်တွေ
ဆိုရင်ရော။ ဒီလိုနဲ့ပဲ . . . ။