KOIKavei កយកវី

កំណើតកយកវី
បទពាក្យ៧
១. ម្ភៃមួយខែប្រាំចាំជាក់ច្បាស់    កវីកំលោះចាប់ជំនាញ
ហៅខ្លួនកវីតាមរបៀន      តែងកាព្យជាស្ពានរៀនតាមគ្រូ។
២. គ្រូកយគ្រូដើមផ្តើមនិស្ស័យ    អ្នកប្រាជ្ញកវីជាគំរូ
ទូន្មានប្រដៅនាមជាគ្រូ      មេរៀនគំរូមុនចាកភព។
៣. ម្ភៃមួយខែប្រាំនៃឆ្នាំកុរ(អានថាកោរ)  កំលោះតែងតកាព្យមួយចប់
តែងពីគុណម៉ែទិវាគាត់      ថ្ងៃដប់ពីរគត់ចាប់ចេញផ្សាយ។
៤. ម្ភៃមួយខែប្រាំសប្បាយណាស់    Vital(១)ប្រកាសផ្តល់អំណោយ
បានពានលេខ១ ជូនអ្នកម្តាយ    កវីឈ្មោះ“កយ”ផ្តើមអាជីព។
៥. “កយ”ពិតនាមដើមគ្រូកវី     ខ្ញុំនាមនិស្ស័យគ្រាន់រម្លឹក
គ្មានន័យបំផ្លាញតែន័យនឹក     ឧទ្ទិសរលឹកនឹកទូន្មាន។
៦. សូមវិញ្ញាណក្ខន្ធគ្រូកវី      ចាប់ភពនិស្ស័យប្រសព្វស្ថាន
ព្រះពុទ្ធព្រះធម៌សង្ឃសីលទាន    ត្រ័យត្រិង្សគឺស្ថានសួគ៌ាល័យ។
៧. អំណឹះថ្ងៃនេះតទៅមុខ     កយរាយទំនុកតាមនិស្ស័យ
ឈ្មោះនេះឈ្មោះខ្ញុំឈ្មោះនិស្ស័យ    ហៅកយកវីអ្នកស្មេរកាព្យ។
(១) ក្រុមហ៊ុន Vital Premium Water 
និពន្ធដោយ៖ កយ   ភ្នំពេញ, ថ្ងៃពុធ ទី២២ ខែឧសភា ឆ្នាំ២០១៩។