KarmelitaniMalta

Il-Karmelitani

... imsejħin mill-imħabba t'Alla 
biex jiġbidna lejh ...

Min aħna?

Il-Karmelitani jafu l-bidu tagħhom lil grupp ta' rġiel li madwar 800 sena ilu nġabru flimkien fuq l-Għolja tal-Karmel, fl-Art Imqaddsa, biex jaqdu lil Ġesu' Kristu f'ħajja ta' talb bla waqfien.

Biż-żmien, huma bdew jingħataw ukoll għall-qadi tal-oħrajn fl-appostolat. Imma sal-lum, il-qofol ta' ħajjithom baqa' dejjem li jfittxu lil Alla li jgħammar fil-qalba ta' ruħhom u madwarhom, u jaħdem fil-ġrajjiet ta' ħajjithom u tad-dinja.

Alla jiġbidhom biex ifittxu li jgħixu magħqudin miegħu u bil-mod il-mod jibdilhom biex isiru dejjem aktar jixbħu lilu. Il-Karmelitani jfittxu lil Alla fit-talb, fil-ħajja komunitarja u fis-servizz li jagħtu lill-oħrajn. Dan jagħmluh waqt li jħarsu lejn il-Verġni Marija u l-Profeta Elija bħala għejjun t'ispirazzjoni.

F'Malta, il-Karmelitani jinsabu fl-Imdina, fil-Belt Valletta, fil-Balluta, f'Santa Venera, fil-Fgura, fi Fleur-de-Lys u fil-'Lunzjata', limiti tar-Rabat.


Aħna nixtiequ niltaqgħu miegħek!

Għax aħna kuntenti bil-vokazzjoni tagħna, nixtiequ naqsmu din l-esperjenza ma' dawk kollha li niltaqgħu magħhom fil-ħajja tagħna. Wieħed mill-mezzi biex naqsmu din l-esperjenza hija l-Għaqda Vokazzjonijiet Karmelitani.
L-għan ta' din l-għaqda huwa li tlaqqa' tfal u żgħażagħ u tgħaqqadhom flimkien permezz ta' bosta attivitajiet, fosthom irtiri, ħarġiet, laqgħat u esperjenzi.

L-għan huwa li jiskopru aktar il-persuna ta' Ġesu', isiru jafu aktar lilhom infushom, u jinħoloq fihom sens t'apprezzament għall-ħajja reliġjuża u Karmelitana, biex b'hekk jaslu biex jagħrfu l-vokazzjonijiet tagħhom.


Għal aktar tagħrif: 

Id-Direttur tal-Vokazzjonijiet, 
Kunvent tal-Karmnu,
Triq il-Parroċċa, 
St. Venera 
SVR 1261

Tel: 21445048
Mob: 79200745/ 79554124

Email: karmelitani@yahoo.com

Fr. Jurgen Cuccardi's O'Carm Channel: http://www.youtube.com/user/frjurgen

Fr. Daniel Galea O'Carm Channel: http://www.youtube.com/user/danielocarm

St. Elias College Website: http://www.stelias.edu.mt/