Jean-Rémi Chareyre

Plan B er hlaðvarp um loftslagsbreytingar og orkumál í umsjón Jean-Rémi Chareyre. Í þessu hlaðvarpi reynum við að rannsaka og útskýra: hvað er að gerast í orkumálum og umhverfismálum, og hvaða áhrif munu þessar breytingar hafa á efnahag okkar og samfélög. Saga mannkyns tók ófyrirséða stefnu fyrir 200 árum þegar við fundum upp jarðefnaeldsneytið. Sú orkulind hefur reynst vera einhvers konar hvalreki sem við höfum reist nútímasamfélögin okkar á. En nú neyðumst við til að breyta um stefnu, þar sem jarðefnaeldsneytið er hvorki ótakmörkuð né gallalaus orkulind. Í þessum þáttum fáum við vísindamenn, sérfræðinga, stjórnmálamenn og aðra til þess að raða saman púsluspilin og reynum að komast að rót vandans. Við rýnum í framtíðina og ræðum hvernig við getum búið okkur undir hana, bæði sem samfélag og sem einstaklingar.