Jauhar LIVE

“Jauhar” – ұлттық музыканы заманауи форматта ұсынатын жаңа жоба.

Ұлттық өнерді оюға ғана орап көрсету, әлемдік тенденциялармен кіріктірмеу - оны жас буыннан алыстатып, заман көшінен қалдырып барады.

Біздің мақсатымыз – заманауи технология көмегімен нағыз қазақ әуенін жандандыру, сол арқылы дәстүрлі ән-күй мектептерін жастар арасында кең тарату.
Ол үшін жоғары деңгейлі дыбыс жазу, өңдеу процесімен заманауи видеотүсірілім қатар ұсынылады.

Жоба аясында Қазақстан жеріндегі жыршылық мектептерді түгелдей қамту жоспарланған.
Осы маусым Маңғыстау жыршылық мектебіне арналды. Бұл жобаға қазіргі Маңғыстау мектебінің көрнекті 10 өкілі қатысты.

“Жауһар” жобасының нәтижесінде стримингтік платформаларда 10 музыкалық альбом тегін тыңдау мүмкіндігімен жарияланады. 
Сонымен қатар, жоба Youtube платформасындағы өз каналында кеңінен дамытылады.