Jack On !紫老虎

我係90年代球迷，鍾意睇NBA英超意甲，夢想同Larry Johnson、Buffon做隊友，為左輔助專項運動表現，曾經非常投入負重訓練，迷信體能可以搭救缺乏身材、技術同運動IQ。。。^O^

但係「歲月」、「顧家」、「舊患」, 加埋一星期六日十幾個鐘不定時「工作」呢一大堆男人嘅浪漫話畀我知，作為一個青年父親上班族，想喺忙碌嘅生活同非常有限嘅空間下保持到相當運動能力同體格，就一定要諗下計啦：

近年除左由多做「負重」改為傾向多做「徒手」同著重「伸展」之外， 更加喺嚐試將運動引入去輔導嘅過程中接觸到「運動心理學」， 發現運動可以幫到心理健康，心理訓練又可以幫返運動表現，兩樣夾埋真係好正呀！

所以我一於喺呢個頻道同大家傾下「體壇」、 「心理」、「減肥」、「重訓」、「伸展」、「親子」，訂閱啦，Jack On！

運動心理
伸展導師
心理學碩士、輔導學碩士