حنتوسى بانتوسى ٩٠ يوم فى كندا – Hantousee 

القصة حقيقية وليست من الخيال. فى الوقت نفسه و أنا بكتب الكتاب ده ما كنتش محشش. والله عمرى ما حششت فى حياتى. ده أنا آخر مرة شربت فيها سجاير كان عندى ١٣ سنة.
إيه . . . إيه . . . إيه.    
لأ هى شكلها وحش بس هى كانت نص سيجارة و بعدها أشتريت باكوا مستيكا علشان تضيع الريحة . مهو أنا كنت خايف من بابا ألله يرحمه.
يعنى كده اتفقنا خلاص ان القصة ده حقيقية وكمان حصلت في كندا وكمان حصلت من ناس عندهم شركات و ناس منهم حاصلين على د كتوراة في الهندسة.
أكيد السؤال الى فى راسكم دلوقتى هو: ايه أو مين الحنتوسى والبانتوسى. 

الحنتوسى والبانتوسى هى لغة العصر الى  احنا فيه. هى لغة راحة البال. لما تقرؤا الكتاب هتعرفوا الى أنا بتكلم عليه. لانها بالممارسة وليست بالدراسة.
الحاجة التانية الى عايز أركزعليها هى ان القصة ده كوميدية بس من غير الة أدب. فممكن أى حد يقرأها سواء راجل أو ست سواء طفل أو بالغ.
لو عرفت تقرأ الكتاب ده بتمعن ساعتها ممكن يحصلك الشرف وتقبل كعضو فى عائلة التوسى. وساعتها كل المطلوب منك انك تسجل أسمك على توتر.

سؤال : ايه فائدة الانضمام لعائلة التوسى ؟
لجواب : هتعيش سعيد باقى عمرك.