Hana Abozaid | هنـا أبوزيـد

السلام عليكم 🤍 ، أنا هنا أبوزيد ، بنت بتحب تحلم وتجرّب كُل شئ جديد فالحياه ، حلمها تسافر وتكتشف بلاد جديده ، لكن الطريق مش سهل فـ قررت تكتشف بلدها الأوّل وتاخدكم معاها في رحلة الحياه ، مُهتمّه بكُل شئ جميل ومُبهج ف هتلاقوا هِنا عشوائيات ويوميّات من الحياه الطبيعيه ، ومن المواضيع ال بتحب تتكلّم فيها وال بتحب تشاركها معاكم ، هنتكلم ونجرّب ونسافر ونكتشف سوا . 
مُمتنّه لوجودكم ال بيفرقلي كتير ، ويارب أكون عند حُسن ظنّكم 🤍

قناة اليوتيوب كانت حلم من أحلامي وأنا صغيره ، حلم مأجلاه ، مستصعباه ، شايفاه بعيد ، ودلوقت قررت إنّي أحوّل الحلم لواقع يمكن الشئ ال كنت خايفه منّه يطلع مفيش أحسن منّه! ، مُتحمّسه للحلم الجديد ال بوجودكم هيكون حقيقه إن شاء الله 🤍

بتمنّى فـ رحلة الحياه أفرق ف حياة حد بشكل إيجابي ، اتمنّى اسمي لما يتذكر يكون معاه دعوه جميله من ناس وجودي فرق معاهم ، بتمنّى وجودي والآثر ال هسيبه يكون طيّب 🤍 

الحمدُلله على ما أنا عليه وعلى ما سأكون ، الحمدُلله حتى ترضى وترضيني 🤍