VíaXIV Festival Internacional de Cortos de Verín

O Vía XIV-Festival Internacional de Curtas quere atraer a mirada de creadores de todo o mundo ata a vila de Verín. O papel das curtas no mundo do cine é fundamental como eixo de expresión, pero tamén como curtidoiro de novos valores que atopan na limitación da historia curta unha tensión positiva para condensar a capacidade de narrar, de expresarse e de transmitilo nunha obra audiovisual.
O FIC Vía XIV naceu para encauzar esta tensión narrativa, para mostrar como a creatividade audiovisual é quen de transmitir a esencia dos milleiros de significados que poden ter os elementos que definen a idiosincrasia da nosa bisbarra: o Entroido e a Raia (Fronteira-Emigración).
http://ficviaxiv.com/