Ezhuthu pencil ( എഴുത്ത് പെൻസിൽ )

"എഴുത്ത് പെൻസിൽ" ഒരു നോവാണ്.. നൊമ്പരമാണ്.. കാത്തിരിപ്പാണ്.. വിരഹമാണ്.. പ്രണയമാണ്.. കിനാവാണ്‌.. പ്രതീക്ഷയാണ്.. സ്വപ്നമാണ്..  ഒപ്പം തിരമാലകളെപ്പോലുള്ള ഓർമ്മകളിലൂടെ ഒഴുകുന്ന ഒരു തൂലികയും. 
"എഴുത്ത് പെൻസിൽ" എന്ന ഈ യൂട്യൂബ് ചാനലിലെ അക്ഷരങ്ങൾ ഒരു പക്ഷെ എന്റെ അനുഭവങ്ങളാവാം..
വായനയിൽ നിന്നും ലഭിച്ച മനസ്സിൽ പതിഞ്ഞ ഏടുകളാവാം..
കാഴ്ച്ചകളിൽ നിന്നും മറയാത്ത,
കേട്ട് പഴകാത്ത ഓർമ്മകളാവാം.. 
പഴമക്കാർ പങ്കുവച്ച കഥകളാവാം... 
എന്റെ യാത്രകളിൽ ഞാൻ പരിചയപ്പെട്ട അപരിചിതരുടെ രോദനങ്ങളാവാം.. 
കലാലയത്തിൽ നിന്നും തിരിച്ചു പോരാൻ ആഗ്രഹിക്കാത്ത മനസ്സിന്റെ ഗൃഹാതുരുത്വം ഉണര്‍ത്തുന്ന ഓർമ്മകളാവാം ..
സൗഹൃദങ്ങളിൽ നിന്നും എനിക്ക് ലഭിച്ച സ്നേഹമാവാം...
ഇനിയും തിരിച്ചു കിട്ടില്ലെന്നറിയാവുന്ന  കുട്ടിക്കാലത്തെ കുറിച്ചുള്ള അയവിറക്കലുകളാവാം..
ജീവിതമാകുന്ന മരുഭൂമിയിൽ തനിച്ചായിപ്പോയവരെക്കുറിച്ചോർത്തുള്ള കണ്ണുനീരാവാം..
പ്രണയിനിയോട് മുൻപെപ്പോഴോ പറയാനാഗ്രഹിച്ചിട്ടും പറയാതെ പോയ വാക്കുകളാവാം.. 
അല്ലെങ്കിൽ മറ്റൊരാളിൽ ഞാൻ കണ്ട വേദനകളാവാം..