Eurocol shpk

Eurocol shpk është një kompani Shqiptare ndërtimi dhe zhvillimi që është themeluar më 01.03.1991. Në pronësi dhe manaxhim tërësisht Shqiptar, ne jemi rritur falë pasionit dhe përkushtimit duke u shndërruar në një nga ofruesit e shërbimeve të ndërtimit më cilësor dhe të besuar në tregun lokal. Prej më shumē se 25 vitesh konsiderohemi ndër kompanitë më serioze, të strukturuara dhe të qendrueshme në vend. Bazuar në traditën e përsosmërisë ku klientët dhe koha ri-vleresojnë punën tonë , hedhim baza solide për një perspektivë premtuese.
Portofoli ynë ravijëzon projekte të të gjitha përmasave, niveleve të kompleksitetit dhe funksioneve — nga rinovime të ndërlikuara interierësh deri në ndërtimet më komplekse në vend; ne mundemi të ndërtojmë gjithçka — dhe e bëjmë këtë me pasion. Diapazoni i aftësive të Eurocol na siguron që të jemi në gjendje të zgjidhim nevojat e klientëve tanë në çdo kohë dhe në çdo front.