Ethiopian Enterprise Development

የኢትዮጵያ ኢንተርፕራይዝ ልማት ባለፉት 84 ዓመታት በተለያዩ ስያሜዎች ሲጠራ የቆየና አምራችነትን በሐገራችን በማስተዋወቅና በማስፋት፣ ለአምራቾች ምቹና ተመራጭ የሆኑ ሙያና ክህሎቶችን በማስጨበጥ፣ ቴክኖሎጂ በማስታጠቅና ዜጎች አስተማማኝ ገቢ እንዲኖራቸው ለማስቻል ጥረት እያደረገ የሚገኝ ተቋም ነው። 

በዚሀም መነሻነት ተቋሙ ትኩረቱን በአነስተኛና መካከለኛ አምራችኢንተርፕራይዞች ላይ በማድረግ ዘርፉ ተወዳዳሪ ሆኖ በኢኮኖሚያዊ ሽግግር፣ በተኪ ምርት ልማት፣ በስራ ዕድል ፈጠራና ኤክስፖርት እድገት ላይ የራሱን ጉልህ ሚና እንዲጫወት ለማድረግ በ2015 ዓ.ም በአዲስ መልክ እንዲቋቋም ተደርጓል። 

ይህ በሚኒስትሮች ምክር ቤት በደንብ ቁጥር 526/2015 የፀደቀ አዲስ ማቋቋሚያ አዋጅ ተቋሙ በተሟላ ሁኔታ የአምራች ኢንተርፕራይዝ ዘርፉን ለመደገፍና እንደ ሐገር ያሉ አቅሞችን አሠባስቦ ለመምራት የሚያስችለው አምራች ኢንተፕራይዞች ችግር ፈቺ የአቅም ግንባታ ስራዎችን፣ የፋይናንስና የማምረቻ መሳሪያ አቅርቦትን፣ የቴክኖሎጂና የምክር አገልግሎቶችን፣ የማምረቻ ቦታና መሰረተ-ልማት ግንባታና አስተዳደር ስራዎችን፣ የግብዓትና የገበያ ትስስር ድጋፎችንና መሠል ድጋፎችን በመስጠት ማኑፋክቸሪንግ ኢንተርፕራይዞችን የማስፋፋትና የማሸጋገር ተልዕኮ ያለው ተቋም ወደ መሆን ተሸጋግሯል። 

#ኢትዮጵያ_ታምርት_እኛም_እንሸምት 

https://linktr.ee/ethiopianenterprisedevelopment