Eritrean Orthodox Tewahdo ቤት ፍቕሪ እግዚኣብሄር

ቤት ፍቕሪ እግዚኣብሔር ብናይ ኤርትራ ኦርቶዶክስ ተዋህዶ ቤተ ክርስትያን ሕግን ስርዓትን ትምህርትን ተመሪሑን ተማእዚዙን ዝጉዓዝ ማሕበር እዩ። ከምቲ ጉይታና ኢየሱስ ክርስቶስ ከምዚ ኢሉ ዝሃበና ሕድሪ መሰረት፥ “ስለዚ ኺዱ ንዅሎም ኣህዛብ ብስም ኣቦን ወድን መንፈስ ቅዱስን እናኣጥመቕኩም፡ ዝኣዘዝኩኹም ኵሉ ኺሕልዉ ኸኣ እናመሃርኩም፡ ደቀ መዛሙርቲ ግበርዎም። እንሆ ድማ፡ ኣነ ኽሳዕ መወዳእታ ዓለም ኵሉ መዓልቲ ምሳኻትኩም እየ።” ማቴ 28:18-19፥  ዕላማን እዚ ማሕበር በዞም ዝስዕቡ ነጥብታት እጠቓለል 
•	ብትምህርቲ ቤተ ክርስትያን ንህዝቢ ምጉሳይ 
•	ንህዝበ ክርስትያን ምትብባዕን ምምኻርን 
•	ወንጌል ምስፋሕ
ኣገልግሎ ናይዚ ማሕበር ናብ ኵሉ ክሊ ዕድመ እኳ እንተኮነ፡ ብፍላይ ግና መንእሰያት ንኣምላኽን ቤተ-ክርስቲያንን ክፈልጥዎን ርክቦም ምስ ኣምላኽ ከማዕብሉን፡ ኣብ ብዙሕ ወልፍን ሕማቅ ልምድታትን ዘለዉ ካብኡ ተናጊፎም፥ ኣብ ክርስትያናዊ ህይወቶም ይኹን ማሕበራዊ ጉዕዞኦም ውጺኢታውያን ሰባት ክኾኑ ዝሕግዝ እዩ። ብተወሳኺውን ብጭንቀትን ጽምዋን ካልእ ሕልኽላኻት ናይ ህይወት ዕረፍቲ ዝሰኣኑ፡ ዝተረጋግአ ህይወት ክመርሑ ዝመክርን ብዓቕሙ ክገብሮም ዝኽእል ሓገዛት የበርክትን። ህጻናት ውን መጻኢ ቤተክርስትያንን ሃገርን ከም ምዃኖም መጠን፡ ካብ ብቀንዲ ኣተኩሮ ሂቡ ዝሰርሓሎምን መደባት ናይ ህጻናትውን ይነጥፍ።