EPSM_For_Justice

ራእይና፡
ኣብ ሃገርና ኣብ ትግባረ ቅዋም ዚምርኰስ ግዝኣተ ሕጊ ምንጋስ፣ መሰረታዊ ሰብኣዊ መሰላትን መባእታዊ ናጽነታትን፣ እንተላይ ፖለቲካዊ፡ ቍጠባዊ፡ ማሕበራውን ባህላውን መሰላት፣ ዜጋታት ምውሓስ፣ ርግኣት፡ ድሕነት፡ ቅሳነትን ራህዋን ምስፋን። ንዅሉ ዜጋ ግቡእ ሰብኣዊ ኣኽብሮት፡ ማዕረ መሰል፡ ማዕረ ናጽነት፡ ማዕረ ዕድል ዚህብ፣ ሰላም፡ ፍትሒ፡ ራህዋ ዘስፍን፣ ኣብ ኵሉ መዳያት ሃገራዊ ህይወት - ፖለቲካዊ፡ ቍጠባዊ፡ ማሕበራውን ባህላውን - ህዝባዊ ተሳትፎ ዚዅስኵስ፣ ግሉጽን ተሓታትን ኣከያይዳ ዚኽተል፣ ቅዋማዊ ስርዓተ መንግስቲ ምትካል።

ዕላማና፡
ንምልካዊ ስርዓት ህግደፍ ምእላይን ርጉእ ደሞክራስያዊ ስግግር ምምጻእን። ነዚ ዕዮ`ዚ ብኣድማዕነትን ብዚቐልጠፈን ንምፍጻም፡ በብዓቕምና ከም ውልቀሰባት፣ ብሓባር ከም ምንቅስቓስ፣ ብጥርናፈ ኰነ ብምውህሃድ ምስ ተመሳሰልቲ ሃገራዊ ሓይልታት ብምስላፍ፣ ጭቡጥ  ኣበርክቶ ምግባር።