Armagan e Imtiaz ارمغانِ  ۱متیاز

دل و دماغ کی وسعت کا دوسرا نام ادب ہے. ادب سے وابستگی انسانی فکر و تدبر کو تازگی بخشتی ہے. ادب زندگی کا دستور ہے. جو بھی شے آپ کو زندگی سے قریب کرتی ہے آپ کو سوچنے پہ مجبور کرتی احساس کو زندگی اور توانائی بخشتی ہے وہی چیز آپ کے لئے ادب ہوگی. صرف شعر و غزل, افسانہ ہی ادب  نہیں. ماں کی پیٹ میں آپ جس شانتی اور آرام کے ساتھ گزارنے سلیقہ رکھتے ہیں وہ بھی   آرٹ ہے .بچپن میں جب آپ ماں کی گود میں ٹک ٹکی لگا کر ماں کی طرف چھت کی طرف دیکھتے ہیں وہ بھی ادب ہے وہ ایک ایسا وسیلہ ہے جو آپ کی ماں کو راحت اور آپ کی  طاقت اور توانائی کا ذریعہ بنتا ہے. آپ کا دودھ پینا آپ کا گھٹنوں کے بل چلنا پھر آپ کا کھڑا ہونا اور پہلا قدم ڈالنا سنِ شعور کو پہنچا اور اپنی گذشتہ زندگی پہ تدبر کرنا اور اس کو رس بھرے انداز میں ضبطِ تحریر میں لانا یہ سب ادب ہی ہے.  اچھائی اور برائی میں تمیز کرنا ,حق کے راستے کو اختیار کرنا معصیت سے اجتناب کر کے پاکیزہ زندگی کو ترجیح دینا, حق و باطل میں تمیز کرنا حق کی شاہراہ کو اختیار کرنا سب ادب ہے. یہ سب آجائے تو غزل گیت افسانہ, انشائیہ وغیرہ وغیرہ سب کچھ وجود میں آ سکتا ہے .