Axencia de Doazón de Órganos e Sangue - ADOS

Galicia cada día precisa 500 doazóns de sangue para cubrir todas as necesidades sanitarias nos hospitais galegos. Para acadar esa cifra, cada día poñemos en marcha 10 unidades móbiles que percorren Galicia e 7 locais fixos de doazón nos hospitais das sete grandes cidades. 
A doazón é un proceso seguro, tanto para a persoa doadora como para a receptora. Poden doar todas as persoas con idades comprendidas entre 18 e 65 anos, que pesen máis de 50 quilos e que gocen de boa saúde. Para doar sangue só é preciso acudir a un punto de doazón e presentar un documento identificativo. O equipo sanitario realiza unha entrevista persoal para valorar se a persoa pode facer a doazón. 
En ADOS coordinamos tamén o programa de transplante de órganos en Galicia, un plan co que cada ano se xestiona o proceso de doazón que salva centos de vidas. 
O carné de doante de órganos é un documento que expresa o desexo de doar da persoa titular. O transplante de órganos é a única alternativa de vida para moitos doen