Դիմորդի Ուղեցույց

Բարի գալուստ Դիմորդի Ուղեցույց ալիք: Ալիքը ստեղծվել է մաթեմատիկա առարկայից թեստերի լուծման, շտեմարանի խնդիրների պարզաբանման, դրանց պարզագույն լուծումների ներկայացման, և դիմորդներին ճիշտ ուղղություն ցույց տալու նպատակով: Չնայած այն հանգամանքին, որ երբեմն տպագրվում են շտեմարանների լուծումների ուսումնաօժանդակ նյութեր, այնուամենայնիվ, դիմորդների մեծ մասը ստանում են ընդամենը անցողիկ, իսկ մի մասը միջին գնահատականներ, և միայն մասնակիցների 5% է, որ հաղթահարում է բարձր միավորների ստորին շեմը`18-ը: Ավելին, միջին գնահատականը տատանվում է 10-11 միջակայքում, իսկ դիմորդների մոտ 23%-ը չի հաղթահարում անցողիկ շեմը: Այս ցավալի վիճակագրությունը շտկելու համար կարծում եմ, լավագույն մոտեցումը լուծումները ոչ թե տպագիր, այլ տեսանյութերի միջոցով ներկայացնելն է, քանի որ պարզապես նախադասություններ կարդալու փոխարեն, որոնցում բազմիցս հանդիպում են ակնհայտ է, նկատենք, որ, և այլ նմանատիպ արտահայտություններ, որոնց տակ թաքնված իմաստը բոլորը չեն, որ հասկանում են, դիտորդը կհասկանա լուծման քայլերի տրամաբանությունը: