श्री दत्त देवस्थान, कोंडगाव (साखरपा)

कोकणामध्ये सह्याद्रीच्या पायथ्याशी वसलेल्या कोंडगाव (साखरपा) या गावामध्ये सन १८९४ सालच्या सुमारास स्थापन केलेले श्री दत्त मंदिर आहे. या मंदिराचे व्यवस्थापन सरदेशपांडे, नवाथे, आठल्ये, रेमणे व पुरोहित कुटुंबियांमार्फत श्री दत्त देवस्थान, कोंडगाव (ए -९२६, रत्नागिरी) या न्यासाच्या माध्यमातून केले जाते. धार्मिक उपक्रमांतर्गत प्रतिवर्षी कार्तिक कृ. प्रतिपदा ते मार्गशीर्ष कृ. प्रतिपदा या काळात रोज पहाटे ५:०० ते ६:३० या वेळेत काकडारती असते. येथे सन १९१७ सालापासून आजपर्यंत मार्गशीर्ष शुद्ध दशमी ते वद्य प्रतिपदा अखेर असा श्री दत्त जयंती उत्सव साजरा केला जातो. यामध्ये महापूजा, पवमान-लघुरुद्राभिषेक, कीर्तन, आरत्या, भोवत्या, छबिना, शेजारती इ. पारंपारिक कार्यक्रम संपन्न होतात. सामाजिक उपक्रमांतर्गत रक्तदान शिबिर, आरोग्य शिबिर, गुणवंत विद्यार्थ्यांना शिष्यवृत्ती, विविध स्पर्धा इ. चे आयोजन केले जाते. २०२१ साली काजळी नदी जलसंवर्धन उपक्रमांतर्गत एक किमी लांब नदीपात्राचे गाळ उपसा व नदी खोलीकरणाचे काम, नाम फाऊंडेशन व लोकसहभागातून यशस्वीरित्या केले गेले. याबाबतचे चलचित्रसंग्रह आपल्याला येथे पाहायला मिळतील.