Bykle kommune

Bykle kommune er ein god stad å bu og leve! Kraftkommunen øvst i Setesdal kan by på fantastisk natur, fargerike bygdemenneske og hyttebyklarar som år ut og år inn skaper liv og røre! God kommuneøkonomi har gjort det mogleg å investere i infrastruktur og kommunale tenester på toppnivå. Skular, barnehagar, sjukeheim, helsestell, idrett, kultur, lag og organisasjonar - heile bygdesamfunnet er prega av trygge rammer og eit system som ser den enkelte. Med moderne lokalitetar både i Bykle og på Hovden, ligg alt til rette for eit rikt sosialt liv i Bykle kommune for store og små.

Bykle kommune er ein reiselivskommune. Ei stadig utvikling innan hyttemarknaden har gjort Hovden til ein solid vinterdestinasjon, og målet er at Hovden skal bli ein heilårsdestinasjon! Det bur noko over tusen menneske i Bykle kommune i dag, og så mange som 15 000-20 000 menneske i sesongtoppane. Bykle er rigga for slike variasjonar og arbeider jamt og trutt for auke. Me vil gjerne bli fleire fastbuande! Er det deg?