Agha Jahangir Bukhari | ادب، تاریخ اور داستان 

میں آغا جہانگیر بخاری، چار صدیوں کا عینی شاہد. آپ کو اُن راستوں پر لے چلتا ہوں جہاں وقت ابھی رکا ہوا ہے۔یہ ایک ایسا سفر ہے جو قدیم تہذیبوں کے کھنڈرات سے شروع ہو کر شاعروں کے دیوانوں، فلسفیوں کی مجلسوں، بادشاہوں کے درباروں اور گمشدہ شہزادیوں کی کہانیوں تک پہنچتا ہے۔ یہاں کبھی الف لیلٰیٰ کی پراسرار راتیں جاگتی ہیں، کبھی جنگجوؤں کے گھوڑوں کی ٹاپیں سنائی دیتی ہیں، کبھی کسی رقاصہ کے پائل کی جھنکار تاریخ کے خاموش ایوانوں میں گونج اٹھتی ہے، اور کبھی کسی موسیقار کا بھولا ہوا نغمہ صدیوں کی گرد سے ابھر آتا ہے۔
میں آپ کو اُن بت تراشوں سے ملواؤں گا جنہوں نے پتھروں میں خواب تراشے، اُن ادیبوں اور شاعروں سے جنہوں نے لفظوں کو حیات بخشی، اور اُن فلسفیوں سے جنہوں نے انسان اور کائنات کے راز سمجھنے کی کوشش کی۔
اس چینل پر آپ کبھی کسی قدیم شہر کے شکستہ دروازوں، خاموش کھڑکیوں اور جھروکوں سے جھانکتے ماضی کو دیکھیں گے، کبھی جھرنوں، دریاؤں، صحراؤں اور پہاڑوں کے درمیان بکھری ہوئی انسانی داستانوں کا سراغ لگائیں گے، اور کبھی فلم، ادب، تاریخ اور ثقافت کے ان گوشوں تک پہنچیں گے جو عام نگاہوں سے اوجھل رہتے ہیں۔