Bible Sangeet

बाइबल संगीत स्वर्गीय संगीत हो। परमेश्वरले संगीत आफ्नो महिमाको लागि सृष्टि गर्नुभयो। संगीतबाट महान परमेश्वरको स्तुति, आराधना अनि महिमा हुनुपर्दछ – संगीतको उद्देश्य यहि नै हो। दुख लाग्दो कुरा धेरै पटक हामी मानिसहरू संगीतलाई हाम्रै मनोरन्जन र स्वार्थ पूर्तिमै सिमित राख्छौं। परमेश्वरलाई कस्तो संगीत मनपर्छ कसरी थाहा पाउने? परमेश्वरको वचन बाइबलमा परमेश्वरको इच्छाहरू प्रकट भएका छन्। परमेश्वरको वचनको आधारमा हामी परमेश्वरलाई मनपर्ने संगीत, ईश्वरीय संगीत, बाइबलीय संगीत जान्न सक्छौं। बाइबलले भन्दछ, “परमेश्वरको उपासना आत्मा र सत्यतामा हुनुपर्दछ” (यूहन्ना ४:२४)। त्यसैले बाइबलीय संगीत परमेश्वरका सत्यताहरूले भरिपूर्ण भएको हुँदछ जसद्वारा परमेश्वरको जनहरू हृदयबाट, आत्माबाटै परमेश्वरको स्तुति प्रशंसा गर्दछन्।
आज धेरै चर्चहरूमा बाइबलीय संगीत भन्दा पनि संसारिक संगीतको प्रभाव बढ्दो छ। यस परिपेक्षमा बाइबल संगीत सेवाकाइको उद्देश्य बाइबलीय संगीतको प्रोत्साहन र उत्थान गर्नु नै हो। आशा छ यस सेवाकाइले तपाईलाई बाइबलीय संगीतलाई अझ प्रेम गर्न उत्साह दिनेछ।