Imam Bargah Hussainia Beerh SKT

Imam Bargah Hussainia Beerh, Sialkot aik aisi muqaddas aur roohani jagah hai jo buzurgon ki be-misal mehnat, sabr aur qurbaniyon ka zinda nishan hai. Is Imam Bargah ki bunyaad rakhna asaan kaam nahi tha. Ibtidai daur mein yahan ke buzurg azadaron ne bohat si mushkilat, tang hallat aur mukhtalif qisam ki musibaton ka saamna kiya. Kabhi wasail ki kami, kabhi hallat ki sakhti aur kabhi muashray ke pressure, magar unhon ne Azadari-e-Imam Hussain (A.S.) ko kabhi kamzor nahi parhne diya. Har mushkil ka muqaabla sabr, himmat aur Allah aur Ahl-e-Bait (A.S.) par yaqeen ke sath kiya.

 Imam Bargah Hussainia Beerh ka mahaul muhabbat, bhai-chare aur ikhlaas se bhara hua hai. Yahan log aik doosray ke qareeb aate hain, dil judtay hain aur nafrat ke bajaye muhabbat ko farogh milta hai.