Azerbaycan Dovlet Resm Qalereyası

Azərbaycan Dovlət Rəsm Qalereyası 1972-ci ildə yaradılmışdır. Müəssisə 1960-cı ildən fəaliyyət göstərən Azərbaycan Dövlət Sərgi Salonunun bazasında yaradılmışdır. Azərbaycan təsviri və dekorativ sənət nümunələrinin toplanması və qorunmasında böyük rolu olan müəssisənin fondunda hazırda 10000-dən artıq sənət əsəri saxlanılır. Dövlət Rəsm Qalereyasının fondu Muzey Mərkəzində yerləşir. Mədəniyyət və Turizm Nazirliyinin dəstəyi ilə dövr ərzində fonda yüksək bədii keyfiyyətə malik müasir təsviri və dekorativ sənət nümunələri toplanmışdır.
Regionlarda təsviri sənətə maragı artırmaq və yeni istedadları aşkar etmək məqsədilə rəssamların yaradıcılıq emalatxanaları, ustad dərsləri və gənc rəssamların səyyar sərgiləri təşkil edilir. Qalereyanın elmi işçiləri tərəfindən sərgilərin, müsabiqələrin keçirilməsi, rəsm əsərlərinin elmi araşdırılmaları və rəssamlar barədə məlumatların toplanması işi həyata keçirilir.