Aqrotextəchizat mmc

“Aqrotextəchizat” Məhdud Məsuliyyətli Cəmiyyəti 2019-cu ilin iyun ayından texnika satışı üzrə fəaliyyətə başlamışdır. Cəmiyyətin tərkibində Satış və marketinq, Satınalmalar, Satışsonrası xidmət, Maliyyə və mühasibat uçotu, Kadr, hüquq və müqavilələr şöbələri fəaliyyət göstərir. Cəmiyyət fəaliyyət göstərdiyi qısa müddət ərzində bir çox fermeri traktorlarla təmin etmişdir.

Cəmiyyət “Gəncə Avtomobil Zavodu” İstehsalat Birliyinin rəsmi satış agentidir. 2006-cı ildə Gəncə Avtomobil Zavodu ilə Minsk traktor və avtomobil zavodları arasında əməkdaşlığa dair razılıq əldə olunmuş və bu razılığa əsasən müəssisələr arasında müqavilə imzalanmışdır.

 Hazırda müəssisədə müxtəlif gücə malik “Belarus 82.1”, “Belarus 1221”, “Belarus 1025”, “Belarus 892”, “Belarus 80X” markalı traktorların yığımı həyata keçirilir.