AÑUBE

Añube 2020an sortutako musika taldea da. Arrasate, Ataun, Bergara eta Atxabaltako gazteek osatzen dute. Hans (Ahotsa), Uri eta Abasolo (gitarra eta koroak), Txikixa (bajua), Egoitz (bateria) eta Garmen (Saxoa).

2021ean kaleratu zuten lehenengo diska [Añube]. Ordutik, Euskal Herri osoko gaztetxe, txosna, jaialdi eta areto ezberdinetan makina bat kontzertu eman dituzte.

Taulagainean ondo pasatzea helburu, zuzenekoetan jendea dantzan jartzen dute, publiko mota ezberdinetara heltzeko gaitasuna duten ahots sakon eta saxo doinu melodikoak lagun dituztela.

2023. urtean Auzo Zaharra kaleratu zuten Lehen Lerroako lagunekin batera. Eta Beñat Gonzalezen lekua Beñat Abasolok hartu zuen. 

2024eko ekainean diska berria kaleratzen dute [Errautsetatik loratzen]. Azken bi urteetan egindako lanaren emaitza. Hamaika abestiz osatutako lana. Zuzenekoetan abesti zaharrekin nahastuz entzun ahal izango duguna.