Anaid DM

Anaid DM é un proxecto que nace da esperanza dunha nova vida e que, ó igual que esta nova vida, busca unha nova mirada para os tempos que estamos a vivir. A súa esencia reside na necesidade de reinterpretar e revitalizar a música tradicional galega, aportando un enfoque renovado e contemporáneo que permita conectar as xeracións máis novas coa riqueza cultural e musical de Galicia. Este proxecto ten como obxectivo esencial fusionar a tradición coa modernidade, creando unha ponte entre o pasado e o presente.rnrnCon esta visión, Anaid DM propón unha viaxe sonora que parte das raíces da música galega máis popular, explorando cantigas e poemas galegos por todos coñecidos e as recoleccións de coplas e tradicións orais recollidas dende o século XIX, e integrando sons e melodías máis actuais que resoen coas sensibilidades e gustos das novas xeracións.