؏ـلياء🦋

الدكتور منعها من الماي
وكل لبنها اذا تردوها تموت شربوها مي
تخيل امك تعطش كدامك ومتكدر تشربها مي
عن لسان ابنها يكول:
خميت الدوة بس ما لكيت الحل
امي اول زرع يشرب المي يذبل
تعبت عمت عيني نرصها يلا تنام
هاي الكَبل لو كدناها ما تقبل
الوجع مثل البدو كلساع اشوفه بصوب
ما يبقه بمكانه الوجع يتنقل
الشمر ماسوه دكتي من امي امنعه الماي؟
وييبس ريجها وع الماي تتوسل
زينب عطشت شما اكلهه تنسه الماي
وتصبر واعله زينب تبدي تتهدل
براس امي فجر ماوصل يمه الليل
الشيب جدامه تركض والسواد انشل
الشيب البيهه مثل الوفر كام يطيح
لون مخادهه من الشيب يتبدل
اعله كَيف تشيل چفهه شلون كوم النوك
يرجف عمت عيني وطاح ما كمل
يم خدودها وجه التراچي يضيع
كسرنه المري البلبيت لاتخجل
نلزم چفهه يلا تكوم چنهه شراع
ما متعثر بكدهه المشه اعله التل
بالف ياعلي تنام من الوجع بالليل
سوده بوجهي مدري شلون تتحمل
شفاف مفطره ولسان صحره تكول
بس بلسانها القرآن يترتل
كبل ثوب امي يتبلل من التنضيف
هسه الثوب من دموعها تبلل ..