Аліш - вакальна-інструментальны ансамбль

Мы — Аліш — вакальна-інструментальны ансамбль, які выконвае розныя адценні рок-музыкі, але стылістычна імкнецца да панку. Мы выраслі ў горадзе на стыку трох краін: Беларусь, Польшча і Літва.

Аліш — запазычанае слова (хутчэй за ўсё з польскай мовы), якое прыжылося ў нашых краях. Гэта слова-эндэмік, і яго ўжо не ведаюць далей за 100 км ад нашага горада. Яно выкарыстоўваецца для ацэначнай характарыстыкі чагосьці ці кагосьці. «— Я зайду да цябе на гарбату… — Аліш і добра!»

Свой стыль мы характарызуем як пагранічны дарослы панк-рок.Мы выконваем песні на беларускай, рускай мовах і іх міксе.

У нашых песнях шмат адсылак да 90-х, якія паўплывалі на фарміраванне нашага светапогляду, а таксама да сучаснасці — усё гэта адлюстроўваецца ў нашай творчасці.