Alcacén de Liñares

Alcacén de Liñares é a marca baixo a que traballa un obradoiro de empanadas de millo sen glute, unha pequena explotación agraria onde cultivamos de xeito sostible o millo que traballamos e unha tenda especializada en produto galego de alimentación.
Eu son Martina e teño un pé no concello de Campo Lameiro que me veu nacer e un no concello de Moraña de onde veñen as miñas raíces paternas.
Son bióloga ambiental e o meu mundo é a terra, o seu cultivo, o seu respecto e o meu agradecemento de nacer e medrar no rural galego.