ਅਦਬੀ ਵਿਰਾਸਤ ADBI VIRSAT

ਪੰਜਾਬੀ ਪੰਜਾਬ ਪੰਜ ਦਰਿਆਵਾਂ ਦਾ ਉਹ ਕੀਮਤੀ ਮੋਤੀ ਹੈ ਜੋ ਇਸ ਧਰਤੀ ਦੇ ਵਸਨੀਕਾਂ ਦੇ ਮੁੜਕੇ ਵਿੱਖੋਂ ਪੈਦਾ ਹੋ ਕੇ ਪੰਜਾਬੀਆਂ ਦੇ ਜੀਵਨ ਦਾ ਆਧਾਰ ਬਣੀ ਹੈ । ਇਸ ਨੂੰ ਕਿਸੇ ਮਿਹਰਬਾਨ ਹੱਥ ਨੇ ਕਦੇ ਵੀ ਤਲਖ ਹਵਾਵਾਂ ਤੋਂ ਵਾ-ਵਰੋਲਿਆ ਤੋਂ ਬਚਾਉਣ ਦੀ ਕੋਸ਼ਿਸ਼ ਨਹੀ ਕੀਤੀ ।ਸਦੀਆਂ ਤੋਂ ਝੱਖੜ ਝੋਲਿਆ ਨੂੰ ਨੰਗੇ ਪਿੰਡੇ ਤੇ ਹੰਢਾਉਂਦੀ ਇਹ ਭਾਸ਼ਾ ਪੰਜਾਬ ਦੇ ਖੇਤਾ-ਬੰਨਿਆਂ ਵਿੱਚ ਮਿੱਟੀ ਨਾਲ ਮਿੱਟੀ ਹੁੰਦੇ ਕਾਮਿਆਂ, ਖੇਤੀ ਸੰਦ ਤਿਆਰ ਕਰਨ ਵਾਲੇ ਕਿਰਤੀ ਕਾਮਿਆਂ ,ਖੂਹਾਂ ਟੋਭਿਆਂ ਤੇ ਸੱਥਾਂ ਵਿੱਚ ਜੁੜੀਆਂ ਮਹਿਫਲਾਂ ਮਚਲਦੇ ਪਾਕ ਜ਼ਜ਼ਬਿਆਂ ਤੇ ਛਣਕਦੇ ਹਾਸਿਆਂ ਵਾਲੇ, ਤ੍ਰਿਝਣਾਂ , ਮੇਲਿਆਂ , ਗਿੱਧਿਆਂ , ਭੰਗੜਿਆਂ, ਮੰਦਰਾਂ ਦੀਆਂ ਟੱਲੀਆਂ, ਮਸਜਿਦਾਂ ਦੀਆਂ ਪਵਿੱਤਰ ਅਜ਼ਾਨਾਂ, ਗੁਰਦੁਆਰਿਆਂ ਦੇ ਗ੍ਰੰਥੀ ਸਿੰਘ ਦੇ ਅੰਮ੍ਰਿਤ ਵੇਲੇ ਦੇ ਮਿੱਠੇ ਬੋਲਾਂ ਤੋਂ ਹੁੰਦੀ ਹੋਈ ਜੰਗਾਂ-ਯੁੱਧਾ ਵਿੱਚ ਖੜਕਦੇ ਹਥਿਆਰਾਂ , ਨਗਾਰਿਆਂ ਤੇ ਲਲਕਾਰਿਆ ਰਾਹੀ ਪੰਜਾਬ ਦੀ ਜੀਵਨ ਜਾਚ ਬਣੀ ਰਹੀ । ਅਜਿਹੀ ਸਥਿਤੀ ਵਿੱਚ ਵੀ ਪੰਜਾਬੀ ਨਾ ਸਿਰਫ਼ ਜਿਉਂਦੀ ਹੀ ਰਹੀ , ਸਗੋਂ ਹਮੇਸ਼ਾਂ ਚੜ੍ਹਦੀ ਵਿੱਚ ਰਹੀ ਹੈ !
..
" ਅਦਬੀ ਵਿਰਸਾਤ " ਦਾ ਮੁੱਖ ਉਦੇਸ਼ ਪੰਜਾਬੀ, ਪੰਜਾਬੀਅਤ ਅਤੇ ਵਿਸਰੀ-ਵਿਸਾਰੀ ਜਾ ਰਹੀ ਅਦਬੀ ਪੰਜਾਬੀ ਵਿਰਾਸਤ ਦੀ ਸੇਵਾ ਕਰਨਾ ਹੈ..ਅਤੇ ਹਰੇਕ ਪੰਜਾਬੀ ਦੀ ਸਹੀ ਪ੍ਰਤੀਨਿਧਤਾ ਕਰਨਾ ਹੈ..!
..
ਲਾਲ ਸਿੰਘ ਦਸੂਹਾ
(ਮੁੱਖ ਸੰਪਾਦਕ)
ਅਦਬੀ ਵਿਰਾਸਤ
ਦਸੂਹਾ (ਹੁਸ਼ਿਆਰਪੁਰ)