YMA Rahsiveng Branch, Lunglei

Young Mizo Association Rahsiveng branch Lunglei chuan, kawng tam taka hman ṭangkâi atân ‘Youtube Channel’ a lo buatsaih ta a.

He channel-ah hian branch YMA Rahsivêng activity leh hmalâkna hrang hrangte pho chhuaha târ lan ṭhin a ni ang a. Vêng chhûng Section YMA pangate dinhmun leh hmalâkna te; branch YMA hnuaia Committee pêng hrang hrang ― Ruihhlo Do Squad, Sanitation Committee, Sport Committee, Cultural Committee, Property Committee, Thlânmual Committee, Indoor Stadium Managing Board, Runmawi & Media Cell-te thil tih leh hmalâkna hlimthla leh video-te tih lan ṭhin a ni ang.

Hêng bâkah hian vêng chhûng tâna Village Council hna thawh te; vêng mi leh sâ, mi bik leh châwimâwina dawnga vêng tihmingṭhatute biangbiakna te, NGO hrang hrang hmalâkna te, vêng tâna thil hlu, hmasâwnna lam hawi chhinchhiah tlâk leh hriat reng tlâkte dah a, chhawp chhuah ṭhinna tûr a ni e.