Teach for Uzbekistan

Teach For Uzbekistan — bu ta'lim orqali yetakchilarni tayyorlovchi nodavlat notijorat tashkilotdir. Biz yetakchilik salohiyatiga ega bo'lgan yoshlarni maktablarga jalb qilib, ularni o'qituvchilar va mahalliy hamjamiyatlar bilan birga ishlashga chorlaymiz.
Maqsadimiz bolalar uchun sifatli ta'lim va kengroq hayotiy imkoniyatlar yaratish orqali jamiyatda ijobiy o'zgarishlarga hissa qo'shadigan yetakchilar avlodini shakllantirishdir. Ta'limdagi real tajriba orqali ishtirokchilar nafaqat sinfda, balki jamiyatda ham ta'sir ko'rsata oladigan bilim, ko'nikma va mas'uliyatni egallaydi. Biz ta'limni o'zgarishlar boshlanadigan eng muhim nuqta deb bilamiz va shu o'zgarishlarni birgalikda amalga oshiramiz.