TATOLI - Agência Noticiosa de Timor-Leste

﻿TATOLI,I.P - Agência Noticiosa de Timor-Leste

Ajénsia TATOLI.IP nuudar ajénsia ofisiál estadu Timor-Leste nian. Ezistensia TATOLI.IP mai husi inisiativa Sekretáriu Estadu Komunikasaun Sosiál (SEKOMS), iha 2012-2017 nuudar transformasaun husi ETNA (East Timor News Agency), neebé depois nakfila ba ANTIL (Ajénsia Notisioza Timor-Leste).

Ajénsia estadu nee hetan aprovasaun iha Konsellu-ministru no públika iha Jornál Repúblika iha loron 14 marsu 2016, nuudar embriaun ho naran ANTIL neebé lansa iha 27 junu 2016. Fulan Marsu 2017, Konsellu-ministru aprova ANTIL sai TATOLI, nuudar ajénsia ofisiál estadu Timor-Leste nian no publika iha Jornál Repúblika, ho estatutu nuudar
Institutu Públiku (IP).