Suvchilar maktabi

"Suvchilar maktabi" O‘zbekiston Respublikasi Prezidenti tashabbusi bilan "Agrobank" ATB, Suv xo‘jaligi vazirligi, "Toshkent irrigatsiya va qishloq xo‘jaligini mexanizatsiyalash muhandislari instituti" milliy tadqiqot universiteti tomonidan tashkil etildi. 

Maktabni tashkil etishdan maqsad qishloq xo‘jaligi sohasi vakillariga bugungi kunda o‘z sohalarida qo‘llanilayotgan innovatsion texnologiyalar, sohada rivojlangan xorijiy mamlakatlar amaliyotiga joriy etilayotgan yangi bilim va ko‘nikmalarni egallagan holda, o‘z faoliyatlarini takomillashtirib, suvdan samarali foydalanish orqali yuqori hosildorlikka erishishdir.