Të Desha Ty Një Herë - Sevdim Seni Bir Kere

Aslım, e cila vjen nga Izmiri në Ankara për të studiuar në universitet, që në ditën e parë përplaset me Ozanin. Ozani është një i ri rebel dhe gjaknxehtë. Dashuria e tij me Aslım-in e papërvojë por kokëfortë do të jetë po aq e stuhishme dhe pasionante.
Të rinjtë tanë nuk do të vihen në provë vetëm nga dashuria e tyre. Takimi i tyre do të rihapë gjithashtu dosjet e mbyllura vite më parë mes familjeve të tyre.Ambicia, arroganca, sakrifica, dallimet socio-ekonomike, gënjeshtrat dhe sekretet nga e kaluara do të përmbysin jetët si të dy të rinjve ashtu edhe të familjeve. Të vërtetat e mbuluara dhe të lëna në harresë do të dalin në dritë një nga një dhe asgjë nuk do të jetë kurrë më si më parë.
Në rolet kryesore të serialit interpretojnë emra si:
Yağmur Çokgenç, Oğuzhan Kayra Koç, Gonca Yakut, Volkan Murat Benli, Didem Aygün, İrfan Kılınç, Nur Yazar, Nevzat Can Rüzgar, Şifanur Gül, Berk Bakioğlu, Sevgi Temel, Yağmur Ilgım Öztekin, Tuana Tuzman, Zeynep Şirin Giobbi, Zafer Güllü.