Oltion Çaçi

Oltion Caci është kandidati i Partisë Socialiste për Bashkinë Sarandë si dhe sipërmarrës në fushën e turizmit me një përvojë mbi 15 vjeçare në këtë industri. Ai është themelues i rezorteve “Flowers Hotel & Restaurants” në Sarandë, Golem dhe Tiranë. Olti ka lindur në vitin 1980 dhe ka përfunduar studimet e larta në Kiev, Ukrainë, në Institutin e Marrëdhënieve Ndërkombëtare, të Universitetit Kombëtar Taras Shevchenko, duke vazhduar pastaj specializimin në të Drejtën Ndërkombëtare Publike në Kiev. 

Me një përvojë të gjatë dhe një rekord të provuar të suksesit në menaxhimin dhe rritjen e bizneseve, Olti është një figurë e rëndësishme në industrinë e turizmit në Shqipëri dhe për këtë ai ka shërbyer dhe si Kryetar i Sektorit të Hotelerisë në Unionin Turistik Shqiptar, duke treguar përkushtim për të promovuar turizmin dhe zhvillimin ekonomik rajonal. Ai gjithashtu flet pesë gjuhë dhe është njohës i mirë i diplomacisë ndërkombëtare.