ООУ „11 Октомври“ - Куманово

ООУ „11 Октомври“ - Куманово,  Република Северна Македонија, е училиште пријател со слоган „сите различни, а еднакво важни“. Заедно градиме личности, денес мали, а утре поголеми од нас.

Ние создаваме сигурна инклузивна средина во која ученикот е поттикнуван да го креира сопствениот академски, социјален и емоционален потенцијал.

Училиштето е формирано во 1964 година. Наставата се изведува на македонски јазик во централно училиште од I до IX одделение и во две подрачни училишта во с. Долно Којнаре и с. Речица од I до V одделение.

Ние им посакуваме добредојде на сите ученици во училиште со креативна и поттикнувачка клима на меѓусебна доверба и почит во кое се користат современи методи кои на младиот човек му помагаат да се развие во отворен, толерантен и флексибилен член на општеството подготвен за понатамошни образовни, професионални и животни предизвици.