NIE eLibrary

បណ្ណាល័យ ជាឃ្លាំងផ្តល់កិច្ចគាំទ្រលើចំណេះដឹង បំណិន និងឥរិយាបថដល់សិស្ស និស្សិតឱ្យក្លាយជាធនធានមានសមត្ថភាពពេញលេញ ឆ្លើយតបកំណែទម្រង់អប់រំ “អ្នកអាន ជាអ្នករៀនពេញមួយជីវិត”។ ការរៀនពេញមួយជីវិត គឺតម្រូវឱ្យអ្នកសិក្សាមានសមត្ថភាពស្វ័យសិក្សា តាមរយៈការប្រើប្រាស់មធ្យោបាយផ្សេងៗក្នុងយុគសម័យឌីជីថល។ បណ្ណាល័យសម្ដេចព្រះសង្ឃរាជ ជួន ណាតនៅវិទ្យាស្ថានជាតិអប់រំ មានចក្ខុវិស័យ ក្នុងការប្រែក្លាយជាបណ្ណាល័យឌីជីថលប្រកបដោយឧត្តមភាពឈានមុខគេលើផ្នែកសិក្សាធិការសម្រាប់សហគមន៍នៃការអប់រំគ្រូបង្រៀន និងមានបេសកកម្ម ក្នុងការផ្តល់សេវាបណ្ណាល័យដល់អ្នកសិក្សា គ្រូបង្រៀន និងអ្នកស្រាវជ្រាវលើការអភិវឌ្ឍវិជ្ជាជីវៈជាប្រចាំសម្រាប់ការបង្រៀន និងរៀន និងអ្នកគ្រប់គ្រងអប់រំ។