Músicas da Redonda

O proxecto das "Músicas da redonda" aparece inspirado polo centenario das gravacións realizadas en 1922 polo Trío Toxos e Froles, a imaxe do cal formamos unha agrupación base como trío de gaita, clarinete/requinto e caixa.
Composto por músicos procedentes de diferentes formacións, o nexo común e motor deste grupo é a posta en valor do repertorio e da figura dos músicos das comarcas de Ferrol, Eume e Ortegal e da labor de recollida e custodia en forma de gravacións e partituras que foron legadas polas xeracións que nos precederon.