Museo do Pobo Galego

O Museo do Pobo Galego ten como obxectivo investigar, conservar, divulgar, defender e promover a cultura galega en todos os seus ámbitos. 
No Decreto 111/1993 do 22 de maio a Xunta de Galicia recoñece ao Museo do Pobo como cabeceira espiritual e simbólica da rede de museos antropolóxicos de Galicia e a súa competencia para actuar como centro sintetizador de todos os museos e coleccións públicas e privadas integradas no sistema galego de museos dedicados ao estudo, promoción e difusión do patrimonio histórico-antropolóxico de Galicia. O sostemento do Museo está garantido polas achegas económicas e materiais (doazóns e depósitos) de padroado, socias e socios, e polo patrocinio de diversas institucións públicas e privadas.