My jahaan

Assalamualaikum
Welcome To My Jahaan .


Aao Doston Kuch Naya Seekhte Hai......


aañkh meñ paanī rakho hoñToñ pe chiñgārī rakho 

zinda rahnā hai to tarkībeñ bahut saarī rakho 

raah ke patthar se baḌh kar kuchh nahīñ haiñ manzileñ 

rāste āvāz dete haiñ safar jaarī rakho 

ek hī naddī ke haiñ ye do kināre dosto 

dostāna zindagī se maut se yaarī rakho 

aate jaate pal ye kahte haiñ hamāre kaan meñ 

kuuch kā ailān hone ko hai tayyārī rakho 

ye zarūrī hai ki āñkhoñ kā bharam qaa.em rahe 

niind rakho yā na rakho ḳhvāb meyārī rakho 

ye havā.eñ uḌ na jaa.eñ le ke kāġhaz kā badan 

dosto mujh par koī patthar zarā bhārī rakho

le to aa.e shā.irī bāzār meñ 'rāhat' miyāñ 

kyā zarūrī hai ki lahje ko bhī bāzārī rakho