LATZEN

LATZEN lau gaztek osatu zuten, 1993. urtean Oñatin: Aitor Uriarte (ahotsa eta gitarra), Gorka Lazkano (bateria), Joxemari Azpitarte (baxua) eta Iker Martinez de Zuazo (gitarra). «Heriotzari deika» maketa saritua 1995ean plazaratu zuten. Gerora, bi disko argitaratu zituzten: «Kontzientzia ala infernua» (Oihuka, 1996) eta «Ardi larruz» (Oihuka, 1998). 1999ko abuztuan banda desegitea adostu zuten, hirugarren diskoa grabatzear zirela.
Bien bitartean hainbat lan argitaratuz, Aitorrek Sen eta ondoren Une taldeak, eta Iker eta Joxemarik Potemkin taldeak sortu zituzten.  2007ko urriaren 2an, «Infernuko ateetan» azken kontzertu bira iragarri zuten, tartean, Eskoriatzakoa grabatu, eta 2008an, «Hellmuga» izeneko zuzeneko disko eta DVDa argitaratu zuten. Ondoren, lan berria aurkezteko beste zenbait kontzertu jo eta Latzen behin betiko lozorroan sartzea erabaki zuten. Orain, esnatu da LATZEN eta beste gitarrista batekin aurrerantzean: Yerko Ortiz . "Denboraren orbainak" lan luzea eta bira hasi da!