झपट पुरस्कार व्यवस्था समिति

यज्ञविक्रम राणाले आफ्ना प्रात:स्स्मरणीय पिता झपटबहादुरले साहित्य सृजनामार्फत पुऱ्याउनुभएको विशिष्ट साहित्यिक योगदानलाई व्यवस्थित गर्दै नेपाली भाषा, साहित्य, कला, संस्कृति एवम् शिक्षाक्षेत्रको संवर्धनमा समेत टेवा पुऱ्याउने उद्देश्यले २०३७ सालमा झपट पुरस्कार र २०३९ सालमा सैनध्वज – नन्दकुमारी विद्वद्वृत्ति  पुरस्कार स्थापना गरिबक्सेको थियो । उहाँको देहावसानपछि केशरकुमारी राणाले आफ्ना अग्रसरतामा २०७१ सालमा यज्ञविक्रम शिक्षा सम्मान पुरस्कार स्थापना गरिबक्सेको थियो, उहाँको देहावसानपछि उपर्युक्त पुरस्कारहरूलाई एकीकरण र समायोजन गरी हाल झपट पुरस्कार, यज्ञ – केशर पुरस्कार र सैनध्वज – नन्दकुमारी विद्वद्वृत्तिरपुरस्कार कायम गरिएको छ ।

स्थापनाकालदेखि झपट पुरस्कार व्यवस्था समितिमा संलग्न रही गरिमामय बनाउन एवम् संस्थागत गर्नमा योगदान पुयाउनुहुने विशिष्ट स्रष्टाहरू, लब्ध प्रतिष्ठित व्यक्तित्वहरूप्रति हृदयदेखि नै नमन गर्दछौं । आगामी दिनमा हामीलाई थप ऊर्जाशील बनाउने कार्यमा यहाँहरू सबैको आशीर्वाद र पथप्रदर्शन प्राप्त भइरहने अपेक्षा गर्दछौं ।

झपट पुरस्कार व्यवस्था समिति