Hervormde Kerk Louis Trichardt & Zoutpansberg

Welkom! Ons is die Hervormde Kerk van Louis Trichardt en Zoutpansberg. Die sentrale punt van ons gemeente, ons prediking, Bybelstudies en kategese is die Skrif alleen. As gemeente van ons Here Jesus Christus, is dit vir ons belangrik om in erns en geloof die Woord van God na te streef, soos wat Hy dit aan ons kom openbaar het in sy Skrif. Dis ons voorreg om die Goeie Nuus van die Evangelie elke Sondag te kan aanhoor en ook met u te kan deel! Ons erediens tye is elke Sondag om 08:30. Indien u in Louis Trichardt is, kom maak gerus 'n draai.