Habitar o baleiro

“Habitar o baleiro” é unha peza documental que relata o fenómeno do despobamento do rural occidental con Galicia como exemplo. O contraste entre unhas costumes que están a desaparecer e os novos modelos de vida e traballo que fan por asentarse. Malia que descoñecemos que vai ser do campo e das aldeas, é posible que esteamos diante da derradeira oportunidade para documentar a sociedade rural. Mais pode que este filme sexa, ao mesmo tempo, un fito na divulgación da realidade dun mundo fóra da cidade que aínda ten unha oportunidade.